नेकपा एसको केन्द्रीय सचिवालय २४ सदस्यीय

काठमाडौं - नेकपा एकीकृत समाजवादीले पार्टीले २४ सदस्यीय केन्द्रीय सचिवालय गठन गरेको छ ।

पार्टीका उपाध्यक्ष जगन्नाथ खतिवडाका अनुसार सो सचिवालयमा अध्यक्ष, सम्मानित नेता, उपाध्यक्ष, उपमहासचिव र सचिव गरी मुख्यतयाः पदाधिकारी सम्मिलित २४ जनाको प्रतिनिधित्व रहनेछ । 

बैठकले महासचिव घनश्याम भुषालको नेतृत्वमा उपमहासचिवहरू सदस्य रहने गरी केन्द्रीय कार्यालय सञ्चालन गर्ने पनि निर्णय लिएको छ ।

अन्य पार्टी पदाधिकारी तथा केन्द्रीय नेताहरूको कार्य विभाजन भने बिहीवार गर्ने गरी स्थायी समिति बैठक सकिएको खतिवडाले जानकारी दिए ।