कोभिडविरुद्धको खोप वितरणमा समानता होस्: बान कि मुन

बेइजिङ :  संयुक्त राष्ट्रसंघका पूर्व महासचिव बान कि मुनले कोभिड विरुद्धको खोप वितरणको काममा समानता हुनुपर्ने बताएका छन् । उनले यो महामारीले विश्वलाई नै उत्तिकै असर गरिरहेकोले सबै देशहरूले यो खोपको उपलब्धतामा समान व्यवहार अपनाउनुपर्नेमा जोड दिए । 

उनले अहिले यो खोपको उत्पादन र वितरणका क्षेत्रमा काम गरिहेका देशहरूले अहिलेको प्रयासलाई थप दोब्बर बनाउनुपर्नेमा जोड दिए । एक भिडियो कन्फ्रेन्समा बोल्दै उनले भने, 'यो अवस्थामा विश्वलाई नै महामारीबाट बचाउनुपर्छ र त्यसका लागि विश्वका सबै देशका नागरिकमा खोपको उपलब्धता हुनु जरुरी छ ।' 

उनले अहिले जलवायु परिवर्तनको चपेटामा पनि मानिसहरू परिररहेका प्रसंग उल्लेख गर्दै जलवायु परिवर्तनले मानिसहरूको विस्तारै अर्थात नजानिँदो रूपले ज्यान लिइरहेको र यो कोभिडले चाँडो चाँडो ज्यान लिएको तर्क गरे । यी दुवै समस्याविरुद्धमा विश्व एक भएर लड्नुपर्नेमा पनि उनले जोड दिए ।