विराटनगरमाथि काठमान्डुको १ विकेटको जित, 'प्लेअफ'मा पुग्‍न सुदूरपश्चिमको भर

काठमाडौँ- नेपाल प्रिमियर लिग (एनपीएल)मा विराटनगर किंगसमाथि काठमान्डु गुर्खाजले जित निकालेको छ । आइतबार बिहान त्रिवि मैदान कीर्तिपुरमा भएको खेलमा काठमान्डु गुर्खाजले १ विकेटको जितक निकालेको हो ।

खेलमा १९.५ ओभरमा अलआउट हुँदै विराटनगर किंग्सले ११७ रन बनाएको थियो । काठमान्डुले १८.१ ओभरमा ९ विकेटको क्षतिमा १२० रन बनायो ।

काठमान्डुका कप्तान करण केसीले टस जितेर बलिङ रोज्दै विराटनगर किंग्सलाई ब्याटिङको निम्तो दिएका थिए । काठमान्डु गुर्खाजले प्लेअफ पुग्ने झिनो सम्भावना बाँकी छ । लिगको अन्तिम खेल जितेपछि काठमान्डुले ७ खेलबाट ८ अंक जोडेर पाँचौ स्थानमा छ ।

सोमबार कर्णाली याक्स र सुदूरपश्चिम रोयल्स भिड्‌दैछन् । सुदूरपश्चिमसँग कर्णाली फराकिलो अन्तरले पराजित भएमा मात्र काठमान्डु शीर्ष चारमा पर्ने सम्भावना हुनेछ ।