खेलाडीहरू खुसी छैनन् : ग्वार्डिओला

म्यानचेस्टर सिटीका प्रशिक्षक पेप ग्वार्डिओलाले प्रिमियर लिगमा शनिबार बर्नलीविरुद्ध जित हासिल गरे पनि आफ्ना खेलाडीहरूले खुसीयाली नमनाएको बताएका छन् । जारी सिजनमा सिटीको ब्यस्त तालिका भएका कारण, खेलाडीहरूले पर्याप्त आराम नपाउने र तनावमा रहनुपर्ने भएका कारण उनीहरूले जितको खुसीयाली मनाउने वातावरण नभएको ग्वार्डिओलाको भनाइ थियो ।

‘खेलाडीहरूले अहिले खेलका मज्जा लिन सकिरहेका छैनन् । दर्शकले भरिएको रंगशालामा साताको एक वा दुई खेल खेल्दा खेलाडीले रमाइलो मान्ने हो । तर अहिले प्रत्येक तीन दिनमा खाली रंगशालामा खेल्नुपर्दा खेलाडीलाई नमज्जा लागिरहेको छ,’ बर्नलीविरुद्ध ५–० को जित दर्ता गरेपछि ग्वार्डिओलाले भने । 

शनिबार बर्नलीलाई हराउनु अघि प्रिमियर लिगमा सिटीले यस पटक आठ खेलमा १० गोल मात्र गर्न सकेको थियो । ग्वार्डिओलाले आफ्ना फर्वाडहरू जारी सिजनमा राम्रो लयमा नरहेको स्विकार गर्दै उनीहरूले टीममा आफ्नो स्थान सुरक्षित राख्ने हो भने गोल गर्न सुरु गर्नुपर्ने बताए । 

‘यस सिजन हामीले आवश्यक संख्यामा गोल गर्न सकेको छैन । त्यसकारण, स्ट्राइकरहरुले मेहेनत गर्न आवश्यक छ । रहिम स्टरलिङ र ग्रबियल जिजसले गोलको योगदान बढाउन आवश्यक छ । किनभने उनीहरूको मुख्य काम नै गोल गर्नु हो,’ ग्वार्डिओलाले भने ।

गत साता टोटेनहमसँग पराजित भएको सिटीले बर्नलीविरुद्धको जितले अंक तालिकाको आठौं स्थानमा उक्लेको छ । आउँदो मंगलबार, सिटीले च्याम्यिन्सस लिगमा र्पोचुगिज क्लब एफसी र्पोटोको सामना गर्नेछ भने प्रिमियर लिगमा शनिबार फुलहमसँग भिड्नेछ । रोयटर्स