मोहन बैद्य पाँच बर्षका लागि क्रान्तिकारी कम्युनिष्ट पार्टीको महासचिवमा निर्वाचित

फाइल फाेटाे

काठमाडौं - मोहन वैद्य पुनः  क्रान्तिकारी कम्युनिस्ट पार्टीको महासचिवमा निर्वाचित भएका छन् ।

आज साँझ सम्पन्न एकता महाधिवेशनले वैद्यलाई महासचिवमा सर्वसम्मत निर्वाचित गरेको हो । 

यस एकता महाधिवेशनले बहुपदीय व्यवस्था खारेज गरेको थियो, महाधिवेशन कीर्तिपुरमा सम्पन्न भएको हो ।​

महाधिवेशनको बन्द सत्रमा वैद्यलाई अर्का नेता सन्तबहादुर नेपालीले महासचिवमा प्रस्ताव गरेका थिए भने हेमन्तप्रकाश ओलीले समर्थन गरेका थिए । लगत्तै हलमा प्रस्ताव गरे पछि उनी सर्वसम्मत रूपमा निर्वाचित भएका हुन ।

महासचिव वैद्य अब कम्तीमा पाँच वर्ष सो पार्टीको नेतृत्वमा रहनेछन् । सो महाधिवेशनले ११७  सदस्यीय केन्द्रीय समिति रहने साङ्गठनिक प्रतिवेदन पारित गरेको छ ।