जनकपुर बोल्ट्सले लुम्बिनी लायन्सलाई दियो १३७ रनको लक्ष्य

काठमाडौँ- जारी नेपाल प्रिमियर लिग (एनपीएल)मा जनकपुर बोल्ट्सले लुम्बिनी लायन्सविरूद्ध १३७ रनको लक्ष्य दिएको छ । आइतबार बिहान टी-यू क्रिकेट मैदानमा टस हारेर ब्याटिङको निम्तो पाएको जनकपुरले निर्धारित २० ओभरमा ९ विकेटको क्षतिमा १३६ रन बनाएको हो ।

लुम्बिनीले टस जितेर पहिले बलिङ रोजेको थियो । 

जनकपुरको प्लेइङ-११ मा आसिफ शेख, अनिल शाह, लाहिरु मिलान्था, हर्श थाकर, जिम्मी नीशम, शुभ कंसाकार, मोहम्मद मोहसिन, हेमन्त धामी, किशोर महतो, ललित राजवंशी, शेर मल्ल रहेका छन् ।

लुम्बिनीको प्लेइङ-११ मा आशुतोष घिरैया, अर्जुन साउद, टम मुर्स, रोहित पौडेल, सन्दीप जोरा, विवेक यादव, बेन कटिङ, साद विन जफर, रामोन सिमोण्ड्स, दुर्गेश गुप्ता, अभिषेक गौतम रहेका छन् ।