सुर्खेतमा लागुऔषधसहित एक युवा पक्राउ

सुर्खेत : लागुऔषधसहित सुर्खेतबाट एक जना युवा पक्राउ परेका छन् । विशेष सूचनाको आधारमा जिल्ला प्रहरी कार्यालय सुर्खेतबाट खटिएको प्रहरी टोलीले वीरेन्द्रनगर नगरपालिका– ११ गाग्रेतालका २८ वर्षीया नविन तिवारीलाई पक्राउ गरेको हो । 

प्रहरीको टोलीले तिवारीको घर खानतलासी गर्दा एक सय ९० मिलिग्राम लागु औषध (ब्राउन सुगर) फेला पारेको हो । प्रहरीले तिवारीको सुत्ने ओछ्यानको सिरानी मुनिबाट लागु औषध बरामद गरेको हो । प्रहरीले ब्राउन सुगरसहित नेपाली रुपैयाँ ७ हजार ३० बरामद गरिएको प्रहरीले जनाएको छ । 

शंकास्पद अवस्थामा फेला पारी तिवारीको शरीर तलासी गर्दा हातको मुठ्ठी भित्र लुकाई राखेको ३ पुडिया लागू औषध (ब्राउन सुगर) जस्तो देखिने धुलो पदार्थ फेला परेको जिल्ला प्रहरी कार्यालय सुर्खेतले जनाएको छ । घटनाको विषयमा थप अनुसन्धान भइरहेको प्रहरीले जनाएको छ ।