पुथा उत्तरगंगाको पछिल्लो मत अपडेट : एमालेकी तुलाचनभन्दा माओवादीकी बुढा ३७६ मतले अगाडि

काठमाडौँ- रूकुम पूर्वको पुथा उत्तरगंगा गाउँपालिकाको उपाध्यक्ष पदका लागि भएको उपनिर्वाचनमा नेकपा माओवादी केन्द्रका उम्मेदवार नरपुरा बुढाले अग्रता लिएकी छन् । बुढाले हालसम्म १०७६ मत प्राप्त गरेकी छन् । 

त्यस्तै उनका प्रतिस्पर्धी नेकपा (एमाले)की केशकुमारी तुलाचन ७०० मत ल्याएकी छन् । 

पुथा उत्तरगंगा गाउँपालिकामा सोमबार बिहान पौने १० बजेदेखि मतगणना सुरू भएको थियो ।

एमालेकी तुलाचनले कांग्रेसको रूख चिह्नबाट चुनावमा लडेकी हुन् ।

उपनिर्वाचनमा ५९३२ मत खसेको थियो ।

यसअघि गाउँपालिकाको उपाध्यक्ष माओवादीकी भूपेन्द्रा बुढा निर्वाचित भएकी थिइन् ।

हाल मत गणना जारी छ ।