अवैध एक किलो सुनसहित चितवनका सुवेदी विमानस्थलमा पक्राउ

फाइल फाेटाे

काठमाडौं - त्रिभुवन विमानस्थलमा अबैध सुनसहित एक पक्राउ परेका छन् ।

विमानस्थल भन्सारका अनुसार एयर अरेबियाको फ्लाइटबाट दुबई हुँदै नेपाल आएका चितवनका आशीष सुवेदी १ किलो १ सय ग्राम सुनसहित पक्राउ परेका हुन् । 

रबरको एक प्रकारको भाँडो बनाएर त्यसमा सुनलाई प्याक गरेर ल्याएको अवस्थामा सुवेदी पक्राउ परेको जनाइएको छ ।

भिजिट भिसामा दुबई गएकामा काम नपाएर फर्किने बेला अपरिचित व्यक्तिले सुन काठमाडौं पुर्‍याएकामा १० हजार दिने आश्वासन पछि सो सुन ल्याएको उनले प्रारम्भिक बयान दिएका छन् ।

सुवेदीलाई गौशाला प्रहरीमा राखिएको छ । थप अनुसन्धान जारी राखिएको छ ।