गगन थापाले गरेको टिप्पणीप्रति दया लाग्यो : प्रचण्ड

फाइल फाेटाे

काठमाडौँ - नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री बन्न आफूले काँग्रेस सभापतिलाई आग्रह गरेको गगन थापाको टिप्पणी झूटो भएको स्पष्ट पारेका छन् । 

शनिबार आफ्नै निवास खुमलटारमा आयोजित एक कार्यक्रमपछि सञ्चारकर्मीसँग कुरा गर्दै प्रचण्डले हप्तामा एकपटक कांग्रेस सभापतिलाई प्रधानमन्त्री बनिदिन खबर पठाउने गरेको भन्ने गगन थापाको भनाइ शतप्रतिशत झूटो भएको स्पष्ट पारेका हुन् ।

उनले आफू प्रति लगाएको झूटो आरोपको आत्म समीक्षा गर्न थापालाई सुझाव समेत दिए । प्रचण्डले गगन थापासँग युवा नेताको रुपमा आफूले केही समय अघिसम्म सहकार्य गरेपनि अहिले केही महिनाभित्र थापामा आएको परिवर्तन र तल झरेर आफू प्रति गरेको टिप्पणी देख्दा आफूलाई थापा प्रति दया लागेको जिकिर गरे । उनले सरकारबाट बाहिर आएर जनतामा जाँदा नै सहज भएको भन्दै सरकार ८४ सम्म चलाउन काँग्रेस–एमालेलाई भनेको धारणा राखे । 

त्यस्तै उनले कीर्तिपुरमा चुनावी अभियानका क्रममा गगन थापाले हावादारी कुरा गरेको समेत बताए ।