थप २ हजार २९९ जनामा कोभिड संक्रमण

काठमाडौँ : नेपालमा शुक्रबार थप २ हजार २ सय ९९ जनामा कोभिड संक्रमण पुष्टि भएको छ । देशभर गरिएको ६ हजार ५ सय ६६ वटा पिसिआर परीक्षणका क्रममा १ हजार ३ सय ९१ जना र ४ हजार ३० एन्टीजेन परीक्षणका क्रममा थप ९०८ जनामा संक्रमण पुष्टि भएको हो । 

यो संगै नेपालमा संक्रमितको संख्या ६ लाख ७८ हजार ८ सय ८ पुगेको छ । त्यस्तै कोभिडका कारण थप ३४ जनाको मृत्यु भएको छ । हालसम्म नेपालमा कोभिडका कारण ९ हजार १ सय ७९ जनाको मृत्यु भएको छ । 

त्यस्तै थप ३ हजार ४ सय ५१ संक्रमित संक्रमणमुक्‍त हुँदा हालसम्म नेपालमा संक्रमणमुक्‍त हुनको संख्‍या ६ लाख ३ हजार ६ सय पुगेको छ । हाल नेपालमा २९ हजार २७४ सक्रिय संक्रमित आइसोलेशन र २९९ जना क्वारेन्टाइनमा छन् ।