‘हरिबहादुरको जुत्ता’ मा मुख्य भिलेनको भूमिकामा मुरलीधर

नयाँ बन्ने फिल्म ‘हरिबहादुरको जुत्ता’ मा कलाकार जोडिने क्रम जारी रहेको छ ।  यसैबीच फिल्ममा मुख्य भिलेनको भूमिकामा मुरलीधरलाई अनुबन्ध गरिएको छ । 

दशैंमा रिलिज भएको फिल्म ‘१२ गाउँ’ का कारण अहिले चर्चामा रहेका मुरलिधरसँग फिल्मका निर्माता सरोज वलीले लिखित सम्झौता गरेका हुन् । 

मुरलीधरले २०७२ मा आएको ‘भैरव’पछि करिब ८ वर्ष कुनै फिल्ममा काम गरेका थिएनन् । गत वर्ष प्रदर्शनमा आएको फिल्म ‘काँडेतार’ बाट कमब्याक गरेका उनले ‘१२ गाउँ’ मा काम मुख्य भिलेनको रुपमा काम गरेका थिए । 

दीपेन्द्र के. खनालको निर्देशनमा बन्न लागेको ‘हरिबहादुरको जुत्ता’ मा हरिवंश र मुरलीधरसँगै प्रकाश सपूत, स्वस्तिमा खड्का र प्रियंका कार्की पनि जोडिइसकेका छन् । यस फिल्ममा पटकथा तथा संवाद लेखन हरिवंश आचार्य स्वयंको छ । यो फिल्म माघ दोस्रो साताबाट छायांकन जाने निर्माताले बताएका छन्