नेपाली यू-१९ महिला टिमले एशिया कप खेल्ने, भारत र पाकिस्तानको समूहमा

काठमाडौँ - नेपाली यू-१९ महिला टिम टी-२० विश्वकपसँगै एशिया कपमा पनि छनौट भएको छ ।

टी-२० फर्म्याटमा खेलिने एशिया कप मलेसियामा आगामी डिसेम्बर १५ देखि २२ सम्म आयोजना हुने भएको छ । एशिया कपमा नेपालसहित ६ देश सहभागी हुने एशियन क्रिकेट काउन्सिलले जानकारी दिएको छ ।

नेपाल समूह ए मा भारत र पाकिस्तानसँग रहेको छ भने समूह बी मा बंगलादेश, श्रीलंका र मलेसिया रहेका छन् ।

एसीसीले सार्वजनिक गरेको खेल तालिका अनुसार नेपालले पहिलो खेल १६ डिसेम्बरमा पाकिस्तान र १७ डिसेम्बरमा भारतसँग खेल्ने छ ।

आजै सम्पन्न खेलमा युएईलाई पराजित गर्दै नेपाल जनवरीमा मेलासियामै हुने यू-१९ महिला टी-२० विश्वकपमा छनौट भएको छ ।