पहिरोले मुग्लिन-नारायणगढसँगै १४ ठाउँमा सडक अवरुद्ध

फाइल फोटो

काठमाडौँ : पहिरोका कारण नारायणगढ मुग्निल सडकखण्ड फेरि अवरुद्ध भएको छ । चितवनको चारकिलो र पाँचकिलोमा पहिरो जाँदा मुग्लिन–नारायणघाट सडकखण्ड अवरुद्ध भएको हो । यसअघि हिजो पनि पहिरोका कारण यो सडक बन्द भएको थियो ।

यस्तै मुग्निलसँगै विभिन्न १४ ठाँउमा सडक अवरुद्ध भइरहेको सडक विभागले जनाएको छ । पहिरोले भीमफेदी–कुलेखानी,  ठोरी–भरतपुर–मुग्लिन सडक अवरुद्ध छ । यस्तै आबुखैरेनी–गोरखा–घयाम्पेसा र आरुघाट–सिर्दिवास–रोइला भञ्ज्याङ सडक खण्ड पनि पहिरोले गर्दा अवरुद्ध छ ।

मनाङको चामे–बेसीसहर सडक खण्ड पनि पहिरोले अवरुद्ध छ । गएराती भारी वर्षा भएपछि ठाउँ ठाउँमा पहिरो जानुका साथै सडक अवरु भएको हो । अवरुद्ध सडक खुलाउने प्रयास भइरहेको सडक विभागले जनाएको छ ।