विडारीको प्रश्न : अदालतको आदेश थाहा नपाउनेहरू मन्त्री कसरी भए ?

काठमाडौँ : राष्ट्रिय सभाका सदस्य रामनारायण विडारीले मन्त्रीमाथि प्रश्न उठाएका छन् । राष्ट्रिय सभा आठौँ अधिवेशनको पहिलो बैठकमा बोल्दै विडारी मन्त्रीमाथि खनिएका हुन् ।

मन्त्री वसन्तकुमार नेम्वाङले अध्यादेश पेस गर्नै लाग्दा सांसद् विडारीले भने- 'यहाँ अध्यादेश पेस भयो भने सर्वोच्च अदालतले आजसम्म गरेका आदेशहरू बर्बाद हुन्छन् । अदालतको आदेश थाहा नपाउनेहरू मन्त्री कसरी भए ?'

राष्ट्रिय सभा अधिवेशनको पहिलो बैठकमै सरकारले ल्याएका अध्यादेश पेस गर्नुपर्ने कानुनी प्रावधान छ । तर, बिडारीले नागरिकता अध्यादेशको सन्दर्भ झिक्दै अध्यादेश पेस गर्न नहुने राय राखेका थिए ।

गत जेठ २७ गते सर्वोच्च अदालतले नागरिकता अध्यादेश कार्यान्वयन नगर्न अन्तरिम आदेश दिएको थियो ।