इङ्‌ल्याण्डविरुद्धको एकदिवसीय सिरिजमा वेस्ट इन्डिज २-१ ले विजयी

काठमाडौँ- वेस्ट इन्डिजले इङ्‌ल्याण्डविरुद्धको एकदिवसीय सिरिजमा जित हासिल गरेको छ ।

इङ्‌ल्याण्डले दिएको २६४ रनको लक्ष्य पछ्याएको वेस्ट इन्डिजले ४३ ओभरमा २ विकेट गुमाएर लक्ष्य पुरा गरेको थियो ।

वेस्ट इन्डिजको जितमा ब्राण्डन किङले १०२ र कीची कार्टीले १२८ रन बनाएका थिए ।

यसअघि इङ्‌ल्याण्डले पहिला ब्याटिङ गर्दै फिल साल्टको ७४, डान मोउसलीको ५७ रनको सहयोगमा ५० ओभरमा ८ विकेट गुमाउँदै २६३ रन बनाएको थियो ।

यसअघि वेस्ट इन्डिजले पहिलो खेल ८ विकेटले जितेको थियो भने दोस्रो खेल इङ्‌ल्याण्डले ५ विकेटले जितेको थियो ।

अब दुवै बीच ५ खेलको टी-२० सिरिज हुने छ । सिरिजको पहिलो खेल नोभेम्बर १० मा हुँदै छ ।