एनपीएल : क्यानडाका अलराउण्डर किर्टोन विराटनगरबाट खेल्ने

काठमाडौँ- नेपाल प्रिमियर लिग (एनपीएल) मा बिराटनगर किंग्सले क्यानडाका अलराउण्डर निकोलस किर्टोनलाई भित्र्याएको छ ।

बारबाडोसका २६ वर्षीय अलराउन्डर किर्टोनलाई एनपीएलका लागि भित्र्याएको विराटनगरले जानकारी दिएको हो । किर्टोन वेस्ट इन्डिजको यू-१९ टिमबाट पनि खेलेका थिए ।  

किर्टोनलाई विराटनगरले भित्र्याएका दोस्रो विदेशी खेलाडी हुन् । यसअघि विराटनगरले ओमानका कप्तान आकिब इलियासलाई अनुबन्ध गरेको थियो ।

विराटनगरको मार्की खेलाडीमा राष्ट्रिय टिमका कप्तान सन्दीप लामिछाने रहेका छन् ।

आगामी मङ्सिर १५ देखि पुस ६ सम्म आयोजना हुने एनपीएलमा विदेशी खेलाडी भित्र्याउनेक्रम जारी रहेको छ ।