जंगली हात्तीले जयपुरमा स्कुल भत्कायो

 झापा – जंगली हात्तीले झापामा विद्यालय भत्कएको छ । बुद्धशान्ति-२ जयपुरस्थित जयपुर अङ्ग्रेजी स्कुलमा जंगली हात्ती प्रवेश गरेर स्कुलको गेट र भित्तामा क्षति पुर्याएको छ। हात्तीले स्कुलको गेट भत्काएर स्कुल परिसरमा पसेपछि, स्कुलको पर्खालसमेत तोडफोड गरेको छ।

यसअघि पनि हात्तीहरूले गाउँमा प्रवेश गरेर अन्नबाली खाएर र कुल्चिएर ठूलो क्षति पुर्याउँदै आएको स्थानीयले बताए । स्थानीय बासिन्दाहरू यस घटनाबाट त्रसित छन् र जंगली हात्तीको नियन्त्रण तथा सुरक्षा व्यवस्था कडा पार्न आग्रह गरेका छन्।