इलेक्ट्रिक साइकलको सोरुममा आगलागी, करोडौंको क्षति

सांकेतिक फोटो

काठमाडौँ - मोरङको विराटनगर–२ मुनालपथमा रहेको इलेक्ट्रिक साइकलको सोरुममा आगलागी हुँदा करोडौंको क्षति भएको छ । 

बुधबार दिउँसो मुनालपथमा रहेको इलेक्ट्रिक मोटरसाइकल र बाइक बिक्री गर्ने भव्या इन्टरनेशनलमा आगलागी भएको थियो । कोशी राजमार्गमा पर्ने सो पसलमा इलेक्ट्रिक बाइक मर्मत गर्ने क्रममा आगलागी भएको बताइएको छ । आगलागीबाट इलेक्ट्रिक बाइक, स्कुटी, ब्याट्री लगायतका सामग्रीहरू जलेको र करिब डेढ करोड रुपैया बराबरको क्षति भएको सो पसलका सञ्चालक मनिष बंशलले जानकारी दिए । 

नेपाल प्रहरी, नगर प्रहरी र नेपाली सेनाको सहयोगमा विराटनगर महानगरपालिकाको ३ वटा दमकलले आगलागी नियन्त्रणमा लिएको थियो ।