ललितपुर महानगरलाई विपद् व्यवस्थापनको केन्द्र बनाउने मेयर महर्जनको संकल्प

फाइल फाेटाे

काठमाडौँ - ललितपुर महानगरपालिकाका मेयर चिरि बाबु महर्जनले ललितपुरलाई विपद् व्यवस्थापनको क्षेत्रमा देशको पहिलो महानगरपालिका बनाउने दृढ संकल्प व्यक्त गरेका छन्। बुधबार ललितपुरमा आगलागी नियन्त्रण सचेतना अभियानको शुभारम्भ गर्दै मेयर महर्जनले य

स योजनालाई प्रभावकारी रुपमा कार्यान्वयन गर्ने प्रतिवद्धता जनाए । 

महर्जनका अनुसार, ललितपुर महानगर क्षेत्रमा आपतकालीन अवस्थामा ४ मिनेटभित्र दमकल र अन्य आवश्यक उपकरणहरू पुर्‍याउने योजना तयार भइसकेको छ। उहाँले नेपालको २९३ वटा नगरपालिकाहरूमध्ये ललितपुरलाई विपद् व्यवस्थापनमा पहिलो स्थानमा ल्याउने लक्ष्य रहेको स्पष्ट पारे । 

तत्कालीन उपायका लागि आफ्नो तर्फबाट गरिनुपर्ने कामहरू तीव्र गतिमा अघि बढाइएको र पुल्चोक दमकल केन्द्रलाई मुख्य आधार बनाई अन्य चारवटा सवस्टेशनहरूको अध्ययन भई चालु आर्थिक वर्ष भित्रै निर्माण कार्य सुरु हुने जानकारी दिए । यस सँगै, मेयर महर्जनले ललितपुर जिल्लाका सबै स्थानीय तहलाई पनि विपद् व्यवस्थापनमा सहयोग गर्ने महानगरको उद्देश्य रहेको बताए । 

ललितपुर महानगरपालिकाको यो अग्रसरता आपत्कालीन व्यवस्थापनमा उदाहरणीय हुने अपेक्षा गरिएको छ।