धुलिखेलमा विदेशी नागरिकलाई चक्कु देखाई एटिएम र मोबाइल लुट्ने तीन युवक पक्राउ

सांकेतिक फोटो

काठमाडौँ - काभ्रेको धुलिखेल अस्पतालमा इन्टर्नसिपमा आएका इटालियन र जर्मन नागरिकमाथि काभ्रेको बनेपामा चक्कु देखाएर एटिएम, मोबाइल लगायतका सामाग्री लुटपाट गरेको आरोपमा तीन युवालाई प्रहरीले पक्राउ गरेको छ। पक्राउ परेका तीनै जनाले बनेपा–६ भ्यूटावरको सिँढीमा विदेशी नागरिकलाई डर देखाएर लुटपाट गरेको पुष्टि भएको छ।

पक्राउ परेका व्यक्तिहरूमा २० वर्षीय हरि चौधरी, १७ वर्षीय सन्देश जैरु, र १६ वर्षीय उज्ज्वल दाहाल रहेका छन्। नेपाल प्रहरीले ती विदेशी नागरिकहरूलाई सुरक्षित राख्दै लुटपाटमा संलग्नहरूमाथि थप अनुसन्धान अगाडि बढाएको छ।