गोर्खा मिडियामा ऋण प्रवाह भएको सहकारीको रकम प्रयोग गर्नेहरू कारवाहीको दायरामा आउँछन् - डा महत

फाइल फाेटाे

काठमाडौँ - नेपाली कांग्रेसका प्रवक्ता डा प्रकाशशरण महतले गोर्खा मिडियामा ऋण प्रवाह भएको सहकारीको रकम प्रयोग गर्नेहरू कारवाहीको दायरामा आउने बताएका छन् । 

सोमबार संसद भवनमा सञ्चारकर्मीसँग कुरा गर्दै महतले गोर्खा मिडियामा रहँदा रवि लामिछानेले सहकारीबाट आएको रकमबाट संस्था संचालन गरेकाले दोषी होइनौ भन्ने कुरा गैरजिम्मेवार भएको समेत बताएका हुन् ।

सहकारीकै रकमबाट गोर्खा मिडिया चलेको देखिएकाले दोषी को हो भन्ने स्पष्टै रहेको उनले बताए । प्रवक्ता महतले सरकारले प्रतिवेदनका आधारमा दोषीमाथि कारवाही चलाउने जिकिर गरे । ​

उनले सहकारी छानबिन समितिको प्रतिवेदन छिटै सार्वजनिक हुने बताए ।