गण्डकीमा के छ मौसमको अवस्था ?

पोखरा : गण्डकी प्रदेशमा आज भारी वर्षाको सम्भावना रहेको जल तथा मौसम विज्ञान कार्यालय, पोखराले जनाएको छ । मौसमविद्‌ समिर मिश्रका अनुसार पोखरा र पोखरा आसपासका क्षेत्रमा भारी वर्षाको सम्भावना छ ।

केही स्थानमा सामान्यदेखि मध्यम बदली रही बागलुङ, स्याङ्जा र पोखरामा भारी वर्षाको सम्भावना रहेको जनाइएको छ । ती स्थानमा मेघगर्जन र चट्याङसहितको वर्षाको सम्भावना छ । अहिले पोखरालगायत गण्डकी प्रदेशका अधिकांश स्थानका आकाशमा बादल छ ।