मर्स्याङ्दी नदीमा खसेको बसबाट २९ जनाको उद्धार, ११ जनाको खोजी हुँदै (भिडियो)

काठमाडौँ - तनहुँको आबुखैरेनी नजिक यात्रु बाहक बस मर्स्याङ्दी नदीमा खस्दा २९ जना घाइते भएका छन् । 

तनहुँ प्रहरीका प्रवक्ता डिएसपी दीपककुमार रायकाअनुसार उद्धार गरिएका १४ जना घाइते अचेत अवस्थामा छन् भने १५ जना होसमा रहेका छन् । उनीहरूलाई खोलाबाट माथि ल्याउने काम भइरहेको उनले बताए । 

बाँकी ११ जनाको खोजी कार्य भइरहेको रायले जानकारी दिए ।

पोखराबाट काठमाडौँतर्फ आउँदै गरेको युपी ५३ एफटी ७६२३ नम्बरको बस ऐना पहराबाट शुक्रबार मर्स्याङ्दी नदीमा खसेको थियो । बसमा ४० जना यात्रु रहेको प्रहरीले जनाएको छ । 

४० यात्रु बोकेको भारतीय बस मर्स्याङ्दीमा खस्यो

भिडियो स्रोत : रूपेश तामाङ pic.twitter.com/EjdUUnM0OP

— eKagaj (@ekagaj) August 23, 2024