'विद्यादेवी भण्डारीले को एमाले को काङ्ग्रेस भनेर हेर्न सक्नुहुन्‍न, कसरी चिन्‍नु भो ?'

काठमाडौँ : वरिष्‍ठ अधिवक्‍ता टिकाराम भट्टराईले राष्‍ट्रपति  विद्यादेवी भण्डारीले संविधानको धारा  ७६(५) बमोजिम को एमाले र को काङ्ग्रेस भनेर हेर्न नसक्‍ने तर्क गरेका छन् । ७६(५) को व्यवस्थामा राष्ट्रपतिले कुन दलको भनेर चिन्नु नपर्ने भन्‍दै त्यसैले यो दुराशयपूर्ण भएको तर्क गरेका छन् । 

'अघिल्लो प्रतिनिधि सभा विघटन मुद्दामा भने जस्तो छैन,' उनले भने, 'प्रधानमन्त्रीको नियत तिगडमबाजी गरेर जसरी पनि प्रतिनिधि सभा विघटन गर्ने बदनियत देखिएको हो । विद्यादेवी भण्डारीले को एमाले को काङ्ग्रेस भनेर हेर्न सक्नुहुन्न । उहाँले कसरी चिन्नु भो ? राजनीतिक नेता विद्यादेवी भन्डारीले चिन्नुहुन्छ होला । तर सम्मानीय राष्ट्रपतिले चिन्नुपर्दैन । ७६(५) को व्यवस्थामा राष्ट्रपतिले कुन दलको भनेर चिन्नुपर्दैन । त्यसैले यो दुराशयपूर्ण छ ।'