देशभर थपिए १७ सय ३ कोभिड संक्रमित

काठमाडौँः पछिल्लो २४ घण्टामा एक हजार ७ सय ३ जनामा कोभिड–१९ को संक्रमण पुष्टि भएको छ । यो सँगै नेपालमा कोभिड संक्रमितको संख्या दुई लाख २९ हजार तीन सय ४३ पुगेको स्वास्थ्य तथा जनसंख्या मन्त्रालयले जनाएको छ । 

आज देशभर १७ हजार २ सय ३७ जना सक्रिय संक्रमित छन् । पछिल्लो २४ घन्टामा २३ जना कोभिड संक्रमितको मुत्यु भएको मन्त्रालयले जनाएको छ । बिहीबार पनि कोभिडबाट २३ जना संक्रमितको मृत्यु भएको थियो ।

योसँगै नेपालमा कोभिड संक्रमणबाट मृत्यु हुनेको संख्या एक हजार चार सय ३५ जना पुगेको छ ।
मन्त्रालयका अनुसार शुक्रबार एक हजार दुई सय ३६ जना संक्रमणमुक्त भएका छन् । योसँगै दुई लाख नौ हजार चार सय ३५ जना संक्रमणमुक्त भएको मन्त्रालयले जनाएको छ ।