विदुरमा पुष्प खेती विस्तार कार्यक्रमको सुरूवात

काठमाडौँ- विदुर नगरपालिकाले पुष्प खेती विस्तार कार्यक्रमको सुरूवात गरेको छ । विदुर नगरपालिकाको नगरप्रमुख राजन श्रेष्ठको प्रमुख आथित्यतामा वडा नम्बर ५ र वडा नम्बर ९ मा रहेको खाली जग्गामा पुष्प खेती विस्तार कार्यक्रम सुरूवात गरिएको हो ।

उक्त स्थानमा रहेको ७ रोपनी जमिनलाई सदुपयोग गर्दै सयपत्री र मखमली जातका ९ हजार ८०० फूलका विरुवा रोप्ने कार्यको सुरुवात गरिएको छ ।

कार्यक्रममा नगप्रमुख श्रेष्ठसहित नगर उपप्रमुख प्रभा बोगटी, वडा नम्बर ५ का वडाअध्यक्ष लिलानाथ न्यैापाने, वडा नम्बर ९ का वडाध्यक्ष हरेराम भण्डारीसहित जनप्रतिनिधि, कर्मचारी, स्थानीय सरोकारवाला तथा स्थानीयहरूको सहभागिता रहेको थियो ।