एक लाख ५० हजार घूससहित कर अधिकृत पक्राउ

काठमाडौँ : अख्तियार दुरुपयोग अनुसन्धान आयोगले सेवाग्राहीसँग घूस लिएको अभियोगमा कर अधिकृतलाई नियन्त्रणमा लिएको छ । आन्तरिक राजस्व कार्यालय जनकपुरधामका कर अधिकृत रमेश ढकालले सेवाग्राहीसँग अन्तशुल्क समायाेजनको रकम फिर्ता गरिदिने भन्दै एक लाख ५० हजार रुपैयाँ घूस लिएको अवस्थामा रकमसहित पक्राउ गरेको हो ।  

अख्तियारले अनुसन्धानपछि अधिकृत ढकालले घूस लिएको पुष्टि भएको बताएको छ । उनलाई भ्रष्टाचार निवारण ऐन २०५९ को दफा ३ को उपदफा १ अनुसार एक लाख ५० हजार बिगो रकम माग गरेर आज बिहीबार विशेष अदालत काठमाडौँमा आरोपपत्र दायर गरेको अख्तियारले जनाएको छ ।