सिनामंगलको एक गेष्ट हाउसमा पुरुष र महिला मृत भेटिए

तस्विरः फाइल फोटो

काठमाडौँ- सिनामंगलको एक गेष्ट हाउसमा एक महिला र एक पुरुष मृत भेटिएका छन् । काठमाडौँ महानगरपालिका-९ को शम्भुमार्गमा बाजुराको त्रिवेणी नगरपालिका- ४ का २३ वर्षीय भरतबहादुर सार्की र सोही ठाउँकी करिब २० वर्षकी करिष्‍मा सार्की रहेको जिल्ला प्रहरी प्रहरी काठमाडौंका एसपी तथा प्रवक्ता नवराज अधिकारीले जानकारी दिए ।

उनीहरू झर्ना गेष्ट हाउसमा साउन १५ देखि बस्दै आएका थिए । सोही क्रममा आज शुक्रबार १२ बजेसम्म पनि खाना खान नआएपछि बोलाउन गएको र बोलाउँदा पनि कुनै प्रतिक्रिया नदिएपछि प्रहरीलाई खबर गरिएको थियो ।

प्रहरीले आएर ढोका खोलेर हेर्दा दुबै जना मृत भेटिएका हुन् । घटनाबारे अनुसन्धान गरिरहेको प्रहरीले जनाएको छ ।