संसद्‌ भवनको निर्माण ढिलाइ : सभामुख घिमिरेले गरे मन्त्रीलगायतसँग छलफल (भिडियो)

काठमाडौँ- सभामुख देवराज घिमिरेले सिंहदरबारमा निर्माणाधीन संसद् भवनको ढिलाइबारे उपप्रधान तथा शहरी विकासमन्त्री प्रकाशमान सिंहसहितका अधिकारीहरूसँग छलफल गरेका छन् ।

शुक्रबार बिहान सभामुख घिमिरेले संसद् भवन निर्माणको ढिलाइबारे उपप्रधान एवं सहरी विकास मन्त्री प्रकाशमान सिंह, सचिव, भवनका महानिर्देशक र संसद् भवन निर्माण आयोजना प्रमुखसहितका उच्च अधिकारीहरूसँग छलफल गरेका हुन् ।

साउन २ गते सभामुख घिमिरे निर्माणाधीन संसद् भवन पुग्दा कामदारको संख्या न्यून रहेको र तीन सिफ्टमा काम गर्ने सम्झौता रहेकोमा एक सिफ्टमा मात्र काम भइरहेको पाएपछि उनले छलफल गरेको सभामुखको सचिवालयले जानकारी दिएको हो । 

अहिलेसम्म संसद् भवनको ८२ प्रतिशत निर्माण प्रगति भनिए पनि निर्माण भएको संरचनाले त्यस्तो पुष्टि गर्न नसकेको सभामुखको सचिवालयले जानकारी दिएको छ । 

भिडियो: