महानगरवासीले खुलामञ्‍चलाई व्यायाम स्थलको रूपमा प्रयोग गर्न पाउने

काठमाडौँ- खुलामञ्चलाई काठमाडौँ महानगरपालिकाले व्यायाम स्थलको रूपमा प्रयोग गर्ने भएको छ । शुक्रबार महानगरको नगर सभाको १५ औ अधिवेशनमा आर्थिक वर्ष २०८१/०८२ को नीति तथा कार्यक्रम प्रस्तुत गर्दै प्रमुख बालेन्द्र शाहले खुलामञ्चलाई व्यायाम स्थल र खेलकुद विकासका लागि प्रयोगमा ल्याइने बताएका हुन् ।

त्यसैगरी, महानगर क्षेत्रभित्रका सार्वजनिक जग्गा अतिक्रमण गरी बनाइएका अनधिकृत संरचना हटाई खुला क्षेत्रका रूपमा विकास गरिने शाहले बताए ।

‘खुला क्षेत्रको विस्तार गर्न र बहुउपयोग हुने गरी सार्वजनिक प्रयोजनका लागि सार्वजनिक तथा सरकारी जग्गालाई महानगरपालिका मातहत ल्याउन पहल गरिन्छ,’ उनले भने ।