वर्षाको कारण नेपाल र श्रीलंकाको खेल रद्द, बाँडे १-१ अंक

काठमाडौँ- अमेरिका र वेस्ट इन्डिजमा जारी आईसीसी पुरुष टी-ट्वान्टी क्रिकेट विश्वकपअन्तर्गत आज नेपाल र श्रीलंकाको खेल रद्द भएको छ ।

वर्षाको कारण खेल रद्द भएको हो ।

 नेपाल र श्रीलंकाले टोलीले १-१ अंक बाँडेका छन् ।

यसअघि नेपालले पहिलो खेलमा नेदरल्यान्ड्सविरुद्ध ६ विकेटको पराजय भोगेको थियो ।

यता श्रीलंकाले भने पहिलो खेलमा दक्षिण अफ्रिकाविरुद्ध ६ विकेटको हार भोग्दा दोस्रो खेलमा बंगलादेशसँग २ विकेटको पराजय बेहोरेको थियो ।

नेपाली टिमका कप्तान रोहित पौडेलले पनि श्रीलंकालाई स्तब्ध पार्नेमा आफूहरू विश्वस्त रहेको प्रतिक्रिया दिएका थिए ।