बंगलादेशलाई हराउँदै दक्षिण अफ्रिकाको 'सुपर ८' नजिक पुग्ने लक्ष्य

काठमाडौँ- अमेरिका र वेस्ट इन्डिजमा जारी आईसीसी पुरुष टी-ट्वान्टी क्रिकेट विश्वकपअन्तर्गत दक्षिण अफ्रिकाले आज राति बंगलादेशको सामना गर्दैछ ।

समूह 'डी' मा रहेका दक्षिण अफ्रिका र बंगलादेशबीचको खेल न्यूयोर्कमा नेपाली समयअनुसार राति ८:१५ बजेबाट सुरु हुने तालिका रहेको छ ।

जारी प्रतियोगिताअन्तर्गत दक्षिण अफ्रिकाले खेलेका दुवै खेलमा जित हात पारेको छ । यता बंगलादेशले पनि खेलेको एक खेलमा जित दर्ता गरेको छ ।

दक्षिण अफ्रिका आज रातिको खेलमा बंगलादेशलाई पराजित गरेर 'सुपर ८' को सम्भावना बलियो बनाउन चाहन्छ । दक्षिण अफ्रिकाको ४ अंक छ ।

यता बंगलादेश पनि दक्षि० अफ्रिकालाई पराजित गरेर अघिल्लो चरणको सम्भावना बलियो बनाउन चाहन्छ । एक खेल खेलेको बंगलादेशको २ अंक छ ।

यस समूहमा नेदरल्यान्ड्स, नेपाल र श्रीलंका पनि रहेका छन् ।