संसदमा के छलफल चलिरहेको छ भन्‍ने नै बिर्सिए केसीले

काठमाडौं - बिहीबारको प्रतिनिधिसभा बैठकमा विनियोजन विधेयक, २०८१ माथिको सैद्धान्तिक छलफल चलिरहेको थियो । छलफलमा भाग लिन रोस्टम उक्लिए प्रमुख प्रतिपक्ष दल नेपाली कांग्रेस सांसद राजेन्द्र कुमार केसी । 

केसी रोस्टममा पुगेर बोल्न थाले । उनले भने, 'शिक्षा स्वास्थ्य तथा सूचना प्रविधि समितिको राष्ट्रिय सभामा उत्पति भएको सुरक्षण मुद्रण सम्बन्धी विधेयकमा हामी छलफल गर्दैछौं।' उनी यतिमै रोकिएनन् । यो अत्यन्त संवेदनशील भनेपछि केही बेर रोकिए । 

त्यसपछि सभामुखको आसनमा बसेकी उपसभामुख इन्दिरा रानाले विनियोजन विधेयक भएको स्मरण गराइन् । अनि केसीले भने सुरक्षण विधेयकमा छलफल हैन ? जवाफमा रानाले हैन विनियोजन विधेयकमा भनिन् । 

त्यसपश्चात् सांसदहरू गल्ल हाँसे ।  त्यसपछि केही बेर मौन रहँदै केसीले हास्दै बोल्न थाले ।