सुपर ओभरमा नामिबियासँग हार्‍यो ओमान

काठमाडौँ- जारी आइसिसी टि-२० विश्वकपमा नामिबियाले ओमानलाई हराएको छ । सुपर ओभरमा २२ रनको लक्ष्य पाएको ओमानले ६ बलमा १० रन मात्रै बनायो ।

सुपर ओभरमा नामिबियाका लागि डेभिड विसाले १३ र जेर्हार्ड इरास्मसले ८ रन जोडे ।

यसअघि नामिबिया र ओमानले बराबरी खलेका थिए । निर्धारित २० ओभरमा नामिबियाले १०९ बनाउँदै बराबरी खेल्यो । ओमान भने १९.४ ओभरमा अलआउट भएको थियो

सोमबार बिहान टस जितेर नामिबियाले फिल्डिङ रोजेको थियो । ओमानले दिएको ११० रनको लक्ष्य पछ्याएको नामिबियाले ६ विकेटको क्षतिमा १०९ रन मात्र जोड्‌न सक्यो । अन्तिम समयमा निकै रोमाञ्चक बनिरहेको खेल बराबरीमा रोकियो ।

नामिबियाका माइकल भान लिङ्गेन २ बल खेलेर आउट भए । उनले रन बनाउन सकेनन् । त्यस्तै निकोलस डेभिन ३१ बलमा २४ रन बनाएर आउट भए ।

नामिबियाका कप्तान जेराल्ड इरास्मसले १६ बलमा १३ रन जोडेर आउट । त्यसैगरी जोनाथन स्मिथले पनि १२ बलमा ८ रन बनाउँदै आउट भए ।

जेन फ्राइलिंकले ४८ बलमा ४५० रन बनाएर आउट भए ।

त्यसैगरी डेभिड विसले ८ बलमा ९ रन जोडे । मेलन क्रुगरले १ बलमा १ रन बनाए ।

त्यस्तै ओमानका लागि अलराउन्डर खालिद काइल ३९ बलमा ३४ रन बनाए । त्यस्तै ब्याट्‌सम्यान जिसन मक्सुदले २० बलमा २२ रन बनाएका थिए । त्यसैगरी अर्का ब्याट्‌सम्यान आयान खानले १५ रन भने बलर शकील अहमदले ११ रन बनाए ।

नामिबियाका बलर रुबेन ट्रम्पलम्यानले सर्वाधिक ४ विकेट लिए । त्यसैगरी अलराउन्डर डेभिड विसले ३ विकेट लिएका थिए । अलराउन्डर जेर्हार्ड इरास्मसले २ विकेट लिए भने बलर बर्नार्ड स्कोल्ट्जले १ विकेट लिए ।

नामिबिया र ओमान दुवै टोली तेस्रो पटक टी–२० विश्वकप खेल्दैछन् । नामिबियाले सन् २०२१ र २०२२ मा आयोजना भएका पछिल्लो २ विश्वकप खेलेको थियो भने ओमानले सन् २०१६ र २०२१ मा विश्वकप खेलेको थियो ।