टी-२० विश्वकपमा आज दुई खेल

काठमाडौँ- आईसीसी टी-२० विश्वकपमा आज दुई खेल हुँदै छ । आज पहिलो खेलमा नामिबिया र ओमानले खेल्ने छन् ।

बार्बाडोसस्थित केनसिंगटोन ओभल स्टेडियममा हुने यो खेल नेपाली समय अनुसार आज बिहान ६:१५ बजेदेखि शुरु भएको छ ।

दुवै बीच अहिलेसम्म ६ टी-२० खेल भएका छन् । जसमा नामिबियाले ६ खेल जितेको छ भने ओमानले २ खेलमा जित हासिल गरेको छ ।

त्यस्तै आज दोस्रो खेल श्रीलंका र दक्षिण अफ्रिकाबीच खेल हुँदै छ । न्युयोर्कस्थित नास्साउ काउन्टी इन्टरनेसनल क्रिकेट स्टेडियममा हुने यो खेल राति ८:१५ बजेदेखि शुरु हुने छ ।

श्रीलंका र दक्षिण अफ्रीकाबीच अहिलेसम्म १७ टी-२० खेल भएका छन् । जसमा दक्षिण अफ्रिकाले अहिलेसम्म १२ खेल जितेको छ भने श्रीलंकाले ५ खेलमा जित हासिल गरेको छ ।