विश्वकपका लागि बंगलादेशको टिम घोषणा, नेपालविरुद्ध पनि खेल्ने

काठमाडौँ- अमेरिका र वेस्ट इन्डिजमा संयुक्त रूपमा आयोजना हुने आईसीसी पुरुष टी-ट्वान्टी क्रिकेट विश्वकपका लागि बंगलादेशले टिमको घोषणा गरेको छ ।

जुन १ देखि २९ तारिखसम्म आयोजना हुने विश्वकपका लागि बंगलादेशले नजमुल होसेनको कप्तानीमा १५ सदस्यीय टिमको घोषणा गरेको हो ।

विश्वकपका लागि बंगलादेश समूह 'डी' मा रहेको छ । यस समूहमा नेपाल, दक्षिण अफ्रिका, श्रीलंका र नेदरल्यान्ड्स पनि रहेका छन् ।

बंगलादेशले पहिलो खेल श्रीलंकाविरुद्ध जुन ७, दोस्रो खेल दक्षिण अफ्रिकाविरुद्ध जुन १०, नेदरल्यान्ड्सविरुद्ध जुन १३ तथा चौथो खेल नेपालविरुद्ध जुन १६ मा खेल्ने तालिका रहेको छ ।