दुबईमा हावाहुरीसहित भारी वर्षा (भिडियो)

तस्बिर : रोजी जोसेफ/गल्फ न्यूज

काठमाडौँ- अबुधाबी र दुबईमा बिहीबार बिहानै चट्याङसहित भारी वर्षा भएको छ । मौसम पूर्वानुमान महाशाखाले बिहान ४ बजेतिर देशका अधिकांश भूभागमा बादलले ढाकेको संकेत गर्दै एम्बर अलर्ट जारी गरेको थियो ।

गएराति अबुधाबीको सुदूरपश्चिम अल धाफ्रा र अल सिला क्षेत्रमा भारी वर्षाको जानकारी दिइएको थियो ।

बिहान साढे १ बजेसम्म अबुधाबीको पश्चिमी टापुहरूमा मध्यमदेखि भारी वर्षाको जानकारी गरिएको थियो । अल अब्याद टापुसहित केही क्षेत्रमा असिना पनि परेको थियो ।

मोहम्मद बिन जायद शहर र अबु धाबीको अल शवामेखमा एकै समयमा मेघगर्जनसहित मध्यम वर्षाको जानकारी दिइएको गल्फ न्यूजले उल्लेख गरेको छ ।

बिहान साढे बजेसम्म अबुधाबीका अधिकांश भागहरूमा चट्याङसहित भारी वर्षाको जानकारी गरिएको थियो । ठूलो हुरीका कारण बादल छिट्टै दुबईतिर सरेको गल्फ न्यूजले जनाएको छ ।

बिहान ३ बजे दुबईका बासिन्दाहरूले तीव्र हावाको महसुस गरेका थिए । जेबेल अली, अल मकतूम अन्तर्राष्ट्रिय विमानस्थल, दुबई औद्योगिक शहर, दुबई इन्भेस्टमेन्ट पार्क, र जुमेराह गाउँ त्रिभुजमा मेघगर्जन र चट्याङसहित भारी वर्षा रेकर्ड गरिएको थियो ।

देशको पूर्वी र दक्षिणी भूभागमा बादल सर्ने क्रममा दुबईका अन्य क्षेत्रमा बिहान ३:३० देखि ४:३० बजेसम्म मध्यमदेखि भारी वर्षा भएको थियो, त्यसपछि दुबईमा वर्षाको तीव्रता घटेको थियो ।

यसैबीच उम्म अल क्वाइन, शारजाह र अजमानमा पनि बादल बनेको छ र बिहान ४ बजेसम्म हल्कादेखि मध्यम वर्षा भएको छ ।

राष्ट्रिय मौसम विज्ञान केन्द्रले वर्षाको समयमा बासिन्दाहरूलाई सुरक्षा उपायहरू पालना गर्न आग्रह गरेको छ।

'अत्यावश्यक बाहेक ड्राइभ नगर्नुहोस् । आवश्यक परेमा सावधानीपूर्वक सवारी चलाउनुहोस् र सबै सडक प्रयोगकर्ताहरूको सुरक्षा सुनिश्चित गर्न सतर्क रहनुहोस्' चेतावनीमा भनिएको छ । 

एनसीएमले वर्षा 'कम गम्भीर' हुने अपेक्षा गरिएको जनाएको छ । किनभने यो अप्रिल १६ को तुलनामा कमजोर मौसम अवस्था हो । यद्यपि बासिन्दाहरूलाई प्रतिकूल मौसम अवस्थाहरू र सतर्क रहन भनिएको छ ।

الحالة الجوية على الدولة
الخميس 2 مايو 2024#المركز_الوطني_للأرصاد⁩ #الإمارات #حالة_الطقس #أمطار #منطقة_الظفرة المرفأ pic.twitter.com/7Qq60JsbFg

— المركز الوطني للأرصاد (@ncmuae) May 1, 2024

بداية الحالة الجوية على أبوظبي #أمطار_الخير #أبوظبي #المركز_الوطني_للأرصاد ⁧⁧#أصدقاء_المركز_الوطني_للأرصاد⁩ #حالة_الطقس #حالة_جوية ⁧#هواة_الطقس⁩ #reel #دبي #الإمارات_العربية_المتحدة #أبوظبي #الشارقة #رأس_الخيمة #الفجيرة #عجمان #أم_القيوين pic.twitter.com/7jhE4G4lta

— المركز الوطني للأرصاد (@ncmuae) May 1, 2024