ललितपुरमा यी सार्वजनिक विदाको दिनमा पनि सरकारी कार्यालय खुल्ने

काठमाडौँ- २०८१ सालको सार्वजनिक विदाका दिनमा पनि ललितपुरमा अत्यावश्यक सेवा प्रवाह गर्न कार्यालयहरू सञ्‍चालन हुने भएको छ । जिल्ला प्रशासन कार्यालय ललितपुरले एक सूचना जारी गर्दै सरकारले दिएको विभिन्‍न विदाका दिन अत्यावश्यक सेवा प्रवाहका लागि जिल्लाका सम्बन्धित कार्यालयमा व्यवस्था मिलाएको जनाएको छ ।

सार्वजनिक विदा, पर्व विदा, दिवस विदा र जन्मजयन्ती विदाका दिनहरूमा जिल्लाका कार्यालय सञ्‍चालन गर्ने ललितपुरकी सहायक प्रमुख जिल्ला अधिकारी कल्पना घिमिरे नेपालले बताइन् ।

उनका अनुसार सरकारले निर्णय गरेर सार्वजनिक विदा दिएको इस्लाम धर्मावलम्बीहरूको पर्व ईद (ईद उल फित्र) बकर ईद (ईद उल अजहा) र रातो मच्छिन्द्रनाथको भोटो देखाउने जात्राका दिनमा पनि पूर्णरुपमा सेवा प्रवाह गरिनेछ ।