आयरल्यान्ड उल्भ्सले नेपाललाई दियो १७५ रनको लक्ष्य

काठमाडौँ- पाहुना टोली आयरल्यान्ड उल्भ्सले एकदिवसीय क्रिकेट सिरिजको दोस्रो खेलमा नेपाल 'ए' लाई १ सय ७५ रनको लक्ष्य दिएको छ ।

कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको आयरल्यान्ड उल्भ्सले ३८ ओभर ४ बलमा सबै विकेट गुमाएर १ सय ७४ रन बनायो ।

आयरल्यान्ड उल्भ्सका लागि गाभिन होएनले ५० रन तथा कप्तान निल रकले ४५ रन बनाए । लियाम म्याककार्थीले ३५ रन र पिटर मुरले १७ रन जोडे ।

नेपाल 'ए' का लागि शहाब आलमले ३, रिजन ढकालले ३, मौसम ढकालले २ तथा कमल सिंह ऐरी १ विकेट हात पारे ।