इतिहासमा अप्रिल ४

काठमाडौँ- आज चैत २२ गते अर्थात अप्रिल ४ । आजको दिन इतिहासमा विभिन्न घटनाहरू भए । ती केहि महत्वपूर्ण घटनाबारे जानकारी दिन गइरहेका छौँ ।

सन्‌ १८४१ अप्रिल ४ मा अमेरिकी राष्ट्रपति विलियम हेनरी ह्यारिसनको निमोनियाका कारण मृत्यु भयो । कार्यालयमा मर्ने उनी पहिलो अमेरिकी प्रमुख कार्यकारी हुन् । त्यसपछि जोन टायलर राष्ट्रपतिको पद ग्रहण गर्ने पहिलो उपराष्ट्रपति बनेका थिए ।

सन्‌ १९१७ अप्रिल ४ मा अमेरिकी सिनेटले जर्मनीविरुद्ध युद्ध घोषणा गर्ने पक्षमा मतदान गरेको थियो ।

सन्‌ १९४५ अप्रिल ४ मा दोस्रो विश्वयुद्धको दौडानमा अमेरिकी सेनाले जर्मनीको नाजी यातना शिविर ओह्रड्रफलाई मुक्त गरेको थियो । पछि सोभियत सेनाले बाँकी रहेका जर्मन सेनाहरूलाई हटाएपछि हंगेरी स्वतन्त्र भएको थियो ।

सन्‌ १९४९ अप्रिल ४ मा संयुक्त राज्य अमेरिकासहित १२ राष्ट्रहरूले वाशिंगटन, डीसीमा उत्तर एट्लान्टिक सन्धिमा हस्ताक्षर गरेका थिए ।