रुसी सहर बेल्गोरोडमा बमबारी - दुईको मृत्यु, पसल र विद्यालयहरू बन्द

काठमाडौँ - रुसी सहर बेल्गोरोडमा बमबारीपछि पसल र विद्यालयहरू बन्द गरिएका छन्। बेल्गोरोडका गभर्नर व्याचेस्लाभ ग्लाडकोभका अनुसार घटनामा दुई जनाको मृत्यु भएको छ ।

त्यहाँका अधिकारीहरूले बमबारीको दोष युक्रेनलाई लगाएको छ । एयर डिफेन्स सिस्टमले आठ युक्रेनी मिसाइलहरू खसालेको ग्लाडकोभले दाबी गरे । 

'युक्रेनको सिमाना नजिक रहेको बेलगोरोडका विद्यार्थीहरू सोमबार र मंगलबार विद्यालयमा जादैँनन्', गभर्नरले भने, 'बजारहरू आइतबार र सोमबारसम्म बन्द हुनेछन् ।'

रुसमा आम चुनावमा मतदान जारी छ । अधिकारीहरूले भ्लादिमिर पुटिनको जित निश्चित रहेको बताएका छन् ।