हङकङसँग नेपाल ७३ रनले स्तब्ध

काठमाडौँ- घरेलु टोली हङकङविरुद्धको टी-ट्वान्टी अन्तर्राष्ट्रिय खेलमा नेपाल पराजित भएको छ ।

मङककमा शनिबार भएको खेलमा हङकङले नेपाललाई ७३ रनले पराजित गरेको हो ।

जितका लागि २ सय १३ रनको लक्ष्य पछ्याएको नेपालले १६ ओभर ४ बलमा सबै विकेट गुमाएर १ सय ३९ रनमात्र बनाउन सक्यो ।

नेपालका लागि विनोद भण्डारीले ४२, आरिफ शेखले ३८ तथा कप्तान रोहित पौडेलले ३० रन बनाए ।

हङकङका आइजाज खानले ४, एहसान खानले ३ तथा अतिक इक्वाल र नासरुल्ला रानाले १-१ विकेट हात पारे ।

यसअघि टस हारेर पहिले ब्याटिङ गरेको हङकङले निर्धारित २० ओभरमा ६ विकेट गुमाएर २ सय १२ रन जोड्यो ।

हङकङका लागि बाबर हायातले १ सय १० रन जोडे । हायातले ४९ बल खेल्दा १३ छक्का र ३ चौका हिर्काए ।

अन्सुमन रथले ३९ रन तथा मार्टिन कोएट्जीले ३१ रन बनाए ।

नेपालका लागि आकाश चन्दले ३ तथा प्रतिश जिसी, राशिद खान र आरिफ शेखले १-१ विकेट हात पारे ।

नेपाल, हङकङ र पपुवा न्युगिनीसम्मिलित त्रिकोणात्मक टी-ट्वान्टी अन्तर्राष्ट्रिय सिरिजअघि नेपाल र हङकङबीच टी-ट्वान्टी खेल भएको हो ।