कोरोनाबाट मृत्यु हुने सात सय नाघ्यो

काठमाडौं : स्वास्थ्य तथा जनसंख्या मन्त्रालयको तथ्यांकअनुसार नेपालमा कोभिड-१९ संक्रमितको कुल संख्या एक लाख  २६ हजार एक सय ३६ जना पुगेको छ । जसमध्ये ८८ हजार ४० जना निको भएका छन् । हाल देशभर सक्रिय संक्रमित संख्या ३७ हजार तीन सय ८२ छ ।

पछिल्लो २४ घण्टामा नेपालमा चार हजार तीन सय ९२ जना नयाँ संक्रमित थपिएका छन् । काठमाडौँमा एक हजार सात सय ८४, भक्तपुरमा दुई सय ४४ र ललितपुमा तीन सय ७४ गरेर आज उपत्यकामा दुई हजार चार सय दुईजना नयाँ संक्रमित थपिएका छन् ।

पछिल्लो २४ घण्टमा २१ जना संक्रमितको मृत्यु भएसँगै कोरोनाको संक्रमणबाट मृत्यु हुनेहरुको संख्या सात सय १५ पुगेको छ । मोरङ, सुनसरी, मकवानपुर, सुर्खेत, ललितपुर, काठमाडौँ, भक्तपुर, चितवन, दाङ, बाँके र रुपन्देहीमा संक्रमितको संख्या पाँच सयभन्दा बढी रहेको छ । 

विश्वमा आजसम्मको तथ्यांक अनुसार तीन करोड ९२ लाख २८ हजार नौ सय एकजना कोभिड-१९ बाट संक्रमित भएका छन् । निको हुनेको संख्या दुई करोड ९४ लाख नौ हजार चार रहेको छ ।