बागमती प्रदेश स्तरीय ट्राफिक सप्ताह २०८० को समुद्‍घाटन

काठमाडौँ- बागमती प्रदेश प्रहरी कार्यालय हेटौंडाको समन्वयमा आजदेखि फागुन २ गतेसम्म सञ्चालन हुने बागमती प्रदेश स्तरीय ट्राफिक सप्ताह-२०८० को समुद्घाटन कार्यक्रम सम्पन्न भएको छ । बागमती प्रदेशका आन्तरिक मामिला तथा कानुनमन्त्री गंगा नारायण श्रेष्ठको प्रमुख आतिथ्यतामा जिल्ला प्रहरी कार्यालय मकवानपुरबाट प्लेकार्ड, माइकिङ, प्रहरी वैण्डसहित प्रभातफेरी सुरु भई रोयल पार्टी प्यालेस हेटौंडामा एक समारोहबीच कार्यक्रमको उद्‍घाटन गरिएको थियो ।

बागमती प्रदेश प्रहरी कार्यालय हेटौंडा मातहत १० वटै जिल्लाको सदरमुकाम, व्यस्त सडक, बजार, बढी सवारी दुर्घटना हुने स्थानहरूलाई लक्षित गरी विभिन्न प्लेकार्ड, ब्यानर, साँस्कृतिक झाँकीसहित प्रभातफेरी र्यालीसहितको सचेतनामूलक कार्यक्रम एकैपटक सञ्चालन गरिएको छ ।