थाहा नगरले आन्तरिक मूल्यांकनबाटै वार्षिक नतिजा सार्वजनिक गर्ने

हेटौंडाः मकवानपुरको उत्तरी क्षेत्र थाहा नगरले विद्यालयको आन्तरिक मूल्यांकनबाटै नजिता प्रकाशन गर्ने भएको छ । कक्षा एकदेखि ७ सम्म र ९ कक्षाको वार्षिक नतिजा विद्यालयले जेठ ३० गतेसम्म आन्तरिक मूल्यांकनबाट सार्वजनिक गर्न नगरले सूचना जारी गरेको नगर शिक्षा अधिकारी शोभाकर रेग्मीले बताए ।

कक्षा-८ को भने विषयगत मूल्यांकन फारम र मार्कलेजर बनाएर विषयगत कक्षा शिक्षक, परीक्षा संयोजक र प्रधानाध्यापकले प्रमाणित गर्नुपर्ने रेग्मीले बताए । उनका अनुसार विद्यालयले सोको एकप्रति विद्यालयमा राख्ने, एकप्रति सार्वजनिक गर्ने र एक प्रति नगरलाई उपलब्ध गराउनुपर्नेछ । थाहा नगरले आउँदो असार १ गतेबाट नयाँ शैक्षिक सत्र सुरु गर्न विद्यालयहरूलाई निर्देशनसमेत दिएको छ ।