पीएम कपमा आज दुई खेल हुँदै

काठमाडौँ- जारी प्रधानमन्त्री कप पुरुष राष्ट्रिय क्रिकेट प्रतियोगितामा आज दुई खेल हुँदैछन् ।

आज भैरहवामा कर्णाली प्रदेशले लुम्बिनी प्रदेशको सामना गर्दैछ भने मुलपानी क्रिकेट मैदानमा बागमती प्रदेशले त्रिभुवन आर्मी क्लबको सामना गर्नेछ । 

कर्णाली प्रदेशले अहिलेसम्म दुई खेलमा एक खेल जितेको छ भने एक खेलमा हार ब्यहोरेको छ । त्यसैगरी लुम्बिनी प्रदेशले पनि एक खेलमा जित हासिल गरेको छ भने एक खेलमा हार ब्यहोरेको छ । 

त्यसैगरी बागमती प्रदेशले अहिलेसम्म खेलेका ३ खेलमा एक जित र २ खेलमा हार ब्यहोरेको छ भने त्रिभुवन आर्मी क्लबले खेलेको एक खेलमा जित हासिल गरेको छ ।