बम्जनको घरमा प्रहरीको छापा

फाइल तस्बिर

काठमाडौँ-  तपस्वी बताउने रामबहादुर बम्जन पक्राउ परेसँगै उनको घरमा प्रहरीले छापा मारेको छ । बुढानीलकण्ठको हात्तिगौंडास्थित घरमा छापा मारेर प्रहरीले करिब ३ करोड ३४ लाख रुपैयाँ बरामद गरेको हो ।

त्यस्तै विभिन्‍न देशका मुद्रा पनि बरामद गरेको केन्द्रीय अनुसन्धान ब्यूरो (सीआईबी)ले जनाएको छ । १५ वटा मोबाइल, दुई वटा ल्यापटप र ३० वटा पेनड्राइभ पनि बरामद गरेको छ ।

मंगलबार साँझ पक्राउ उनलाई आश्रममा बस्ने अनुयायीको हत्या गरेको, बेपत्ता पारेको तथा यौन हिंसा गरेको उजुरीपछि सीआईबी, कोशी प्रदेश र मधेश प्रदेश प्रहरीले खोजी गरिरहेका थिए ।