माेटरसाइकल दुर्घटनामा रुपन्देहीका दुई युवाको मृत्यु

बुटवल : मोटरसाइकल दुर्घटना हँुुदा रुपन्देही तिलोत्तमा नगरपालिकाका दुई युवकको मृत्यु भएको छ । तिलोत्तमा नगरपालिका वडा नम्वर ७ भलवारीमा लु २४ प ७५०६ नम्बरको मोटरसाइकल अनियन्त्रित भई सडकको डिभाइडरमा ठोक्किएर दुर्घटना भएको प्रहरीले जनाएको छ । 

दुर्घटनामा परी तिलोत्तमा नगरपालिका वडा नम्बर १५ माधवलियाका २७ वर्षीय विकास चौधरी र मोटरसाइकलमै सवार सोही स्थानका २० वर्षीय हरि गुरुङ्गको मृत्यु भएको हो ।

लुम्बिनी प्रदेश ट्राफिक प्रहरी कार्यालय बुटवलका अनुसार गएराती साठे १० बजे दुर्घटना भएपछि गम्भीर घाइते भएका उनीहरूलाई क्रिम्सन अस्पताल माणिग्राममा पुर्याइएको थियो ।  उनीहररूको अस्पतालमा उपचारकै क्रममा मृत्यु भएको हो ।