रुविना र सीताले हङकङमा क्रिकेट खेल्ने

काठमाडौँ- नेपाली राष्ट्रिय महिला क्रिकेट टिमकी कप्तान रुविना क्षेत्री तथा अलराउन्डर सीता राना मगरले हङकङको घरेलु क्रिकेट प्रतियोगिता खेल्ने भएका छन् ।

रुविना र सीताले हङकङमा नोभेम्बर १० देखि १२ तारिखसम्म आयोजना हुने ‘वुमन्स अल स्टार्स’ टी-ट्वान्टी क्रिकेट प्रतियोगिता खेल्ने नेपाल क्रिकेट संघ (क्यान) ले जनाएको छ ।

रुविना र सीतालाई विदेशी खेलाडीको रुपमा अनुबन्ध गरिएको समेत क्यानले सामाजिक सञ्जालमार्फत जानकारी गराएको हो ।

प्रतियोगितामा जेड जेट्स र बाउहिनिया स्टार्सबीच तीन खेल हुने तालिका रहेको छ ।